К основному контенту

«MEGA NUKUS»QA BOYKOT!

​​​​Qaraqalpaqstanlı blogerler «Mega Nukus» sawda orayına qarata boykot járiyaladı.

2019-jıldıń 21-Dekabr sánesinde «Добрые люди» mámleketlik emes kommerciyalıq emes shólkemi aǵzaları «Mega Nukus» sawda orayınıń direktorı menen kelisgen halda, ózleriniń qayırqomlıq qutısın usı jerdegi kassa apparatı janına ornatqan hám akt dúzip, qutını plombalaǵan.


Lekin, sawda orayı direktorı dúzilgen kelisimdi buzıp, qutını biyruqsat ashqan. Ondaǵı pullardı bolsa meshit janındaǵı «sadaqalar qutısı»na salǵanlıǵın aytıp otır.

Qayırqomlıq qutısı nágiran hám keselligi bar bolǵan balalarǵa materiallıq járdem beriw maqsetinde ornatılǵan edi. Bıraq ta — kórip turǵanıńızday — qutıdaǵı pullar qaysıdur táreplerge «ushıp ketken»...

Al, jergilikli bloger Baxtiyar Qádirbergenov bolsa «#3ай_бойкот_меганукус» xeshtegi astında joqarıda atı kórsetilgen sawda orayına qarata boykot járiyaladı. Onı qollap-quwatlaǵan Xayrullo Shamuratov óz kanalında: «Eskalatorına minbegenim bolsın. Eger minsem, nawqas balalar hám nágiranlar ústinen basıp atırǵanday bolǵayman», — dep jazadı. 


© Timur Daniyarov

Комментарии

Отправить комментарий

Популярные сообщения из этого блога

NE USHÍN OQÍWǴA KIRIW SONSHELLI QÍYÍN? TESTLERDI TESTTEN ÓTKIZEMIZ

Jaqsı bilesiz, oqıwshılıq dáwirlerimizde muǵállimlerimiz ótilgen temalardı jaqsılap túsingen hám ol tuwralı óz pikirin anıq ayta alatuǵın oqıwshılardı ziyrek dep esaplaytuǵın edi. Sol gezleri aramızda eki betlik tekstti yadlap kelip, doskaǵa shıǵıp, zuwıldatıp aytıp beretuǵınlar da joq emes edi. «Mekteptegi ustazlarımız talay aytqan: “ Maǵan kitaptaǵı sózlerdi emes, óz túsinigińdi ayt”». E sińizde me, muǵállimlerimiz bizge ana tili sabaǵınan baqlaw jumısın alǵanda diktant jazdırıp — sawatımızdı, ádebiyat sabaǵınıń qadaǵalaw jumıslarında bolsa, bayan jumısı jazdırıp — sol kitaptaǵı ádebiy shıǵarmalardan ózimizge qanday tásirlerdi alǵanımızdı, olardıń mazmun-mánisi haqqında soraytuǵın hám til baylıǵımız óskenligin tekseretuǵın edi. Bıraq, heshqashan ádebiyat sabaǵınan test alınbaǵan! Sebebi, mektep programmasına ádebiyat sabaqlıǵınıń kirgiziliwindegi baslı maqset — oqıwshını kórkem ádebiyat úlgileri menen tanıstırıw hám onıń ádebiy sóylew tilin ósiriw. Al, kerisinshe, búg...
Отправить комментарий
Далее...

TEST?

Bilesiz, Avgust ayı jaqınlamaqta, imtixanlar máwsimi kiyatır. Mámlekettegi eń iri ekzamenaciya procesi aldınan test orayında xızmet alıp baratuǵın qánigeler orınlarda abiturientler menen ushırasıp, bolajaq studentlerdiń qızıqtırǵan sorawlarına juwaplar qaytarıp, maǵlıwmatlar bermekte. Usınday ushırasıwlardıń birinde qatnasqan tanısım maǵan azǵana bolsa da jańalıqlar haqqında aytıp berdi. Álbette, kúni-túni test sheship tayarlıq kórip atırǵan abiturientlerge imtixandı shólkemlestiriw tuwralı jańalıqlardan góri test sorawlarınıń qanday bolıwı qızıq. Sonıń ushın, ushırasıw dawamında qánigelerge testler qanday kóriniste bolıwı haqqındaǵı sorawdı beriw de yadtan shıqpaǵan hám bul sorawǵa bir ǵana gáp penen juwap qaytarılǵan: «Sabaqlıqlardıń qálegen jerinen soraw beremiz, buǵan haqımız bar!».  Negizinde bul postımnıń jazılıwına usı bir ǵana juwap túrtki boldı desem, qátelespeymen. Esletip óteyin, házir men sóz etejaq bolǵan temaǵa aldın da toqtalıp ótkenmen.  Qádirl...
Отправить комментарий
Далее...

JÁNE SOL GAZETA...

Insan ushın nan-suw qánshelli zárúr bolsa, búgingi kúnge kelip informaciya da sonshelli áhmiyetli bolıp barmaqta. Qáytkende de, XXI ásirde jasap atırmız... Sońǵı waqıtları social tarmaqlarda gazeta teması ústinde talas-tartıslar kóbeyip ketti. Eń xit «mashqala» da usı «gáziyt» bolıp tur. © Sputnik.uz Bir ǵana Aydana Allambergenovanıń «Gazeta óldi me?» degen maqalasınıń ataması jurnalistlerdiń hám gazeta oqırmanlarınıń teńizin tolqıtıp jibergen qusaydı. Usı úsh sózdiń arqasında hátteki ayırım húrmetli jurnalistlerimiz social tarmaqlarda ózleriniń múrájátleri menen de shıqtı. Bloger retinde óz pikirimdi bildiretuǵın bolsam, biziń gazetalarǵa heshqanday óshpenliligimiz joq. Tek májbúriy jazılıw máselesine kelgende ǵana qarsı shıǵıwımız múmkin. Sebebi, adamlarda tańlaw huqıqı bar — qálese oqıydı, qálemese — yaq. «Májbúriy-ıqtıyarıy» jazılıwdan payda kórip otırǵan — jalpaq tilde aytqanda — «klienti tayın bolǵan» gazetalar rawajlanıwdan toqtaydı. Olar ózleriniń ústinde ...
Отправить комментарий
Далее...